போராடு போராடு

தாயின் கருவில்
அனுவாய் இருந்தேன்
காலம் சொன்னது
பூலோகம் காணலாம்
வந்துவிடு என்று

ஈர்நான்காம் மாதம்
எட்டிக்குதித்தேன்
அவசரத்தைப் பார்
அழிந்து விடப்போகிறான்
என்றது

நோயின் விழிம்பில்
பாயில் கிடந்தேன்
சொற்கேளாதவன்
குலத்திற்கு ஈனமென்றது

ஒடிநான் விளையாடினேன்
பிழைத்து விட்டான்
அதிஸ்டக்காரன்
என்றது

பள்ளி சென்று ஓதிவந்தேன்
குப்பைக்கு எதற்கு
குர்ஆன் என்றது

பாடம் சென்றுபடித்து வந்தேன்
அறிவாளை தீட்ட
அரமில்லை என்றது

தொழில் இன்றி தூங்கிக்கிடந்தேன்
பணமில்லாதவன் பிணம்
என்றது

பணம் உழைக்க
நானும் சென்றேன்
நம்பிவிட்டான் பணத்தை
இனி நாசமாவான் என்றது

அழகாய் நானும்
உடைகள் போட்டேன்
வேடனுக்கெதற்கு
வேட்டி என்றது

காதல் கொள்ள இதயம்
கேட்டேன்
கழுதைக்கு எதற்கு
கற்பூரம் என்றது

காதலி பின்னால்
சுற்றித்திரிந்தேன்
வேலையில்லாதவன்
விளையாடுகிறான் என்றது

அவளை நானும் திருமணம்
செய்தேன்
காமத்திற்கெதற்கு களியாணம்
என்றது

வெளிநாடு செல்ல தயாரானேன்
பிழைக்கத்தெரியாதவன்
பின்வாங்குகிறான் என்றது

இன்னும் சொல்லும் சமூகம்
சோர்ந்துவிடாமல் போராடு
உனது வெற்றி நிச்சயிக்கப்ட்டது
என்றது மனம்